मुंबई ( प्रतिनिधी ) – देशाला लवकरच नवे राष्ट्रपती मिळणार आहे. 21 जुलैपर्यंत नव्या राष्ट्रपतींची निवड होणार आहे. राष्ट्रपतीपदाच्या निवडणुकांचे वेळापत्रक आज जाहीर झाले 18 जुलैला यासाठी मतदान होणार आहे.
निवडणूक आयोगाने राष्ट्रपती निवडणुकीशी संबंधित महत्त्वाच्या तारखा जाहीर केल्या आहेत. राष्ट्रपती रामनाथ कोविंद यांचा कार्यकाळ 24 जुलै रोजी संपत आहे. आता 15व्या राष्ट्रपतींची निवड होणार आहे. राष्ट्रपती निवडण्यासाठी जनतेने निवडून दिलेले प्रतिनिधी आणि वरच्या सभागृहातील लोकप्रतिनिधी मतदान करतात. राष्ट्रपतीपदाच्या निवडणुकीत दोन्ही सभागृहांचे सदस्य लोकसभा आणि राज्यसभेतील सदस्य मतदान करतील.
21 जुलैला निकाल लागणार आहे 776 खासदार, 4033 आमदार मतदान करणार आहेत राजकीय पक्षांना मतदारांना व्हीप लागू करता येणार नाही
राष्ट्रपतीपदासाठी चर्चेतली नावं – माजी लोकसभा अध्यक्षा सुमित्रा महाजन . उत्तर प्रदेशच्या राज्यपाल आनंदीबेन पटेल , छत्तीसगडच्या राज्यपाल अनसूया उईके , तेलंगणाच्या राज्यपाल तमिलसाई सुंदरराजन , झारखंडच्या राज्यपाल द्रोपदी मुर्मू अशी आहेत . मुर्मू आणि उईके या दोन आदिवासी महिला आहेत,
राज्यपाल नियुक्त सदस्य आणि विधान परिषदेच्या सदस्यांना अध्यक्षपदाच्या निवडणुकीत मतदानाचा अधिकार नाही. एखाद्या राज्याचा मुख्यमंत्री विधान परिषदेचा सदस्य असेल तर त्यालाही राष्ट्रपतींच्या निवडणुकीत मतदान करता येत नाही.
