एरंडोल ( प्रतिनिधी ) – स्वातंत्र्याच्या अमृत महोत्सवानिमित्त नेहरू युवा केंद्र, जळगाव जिल्हा प्रशासन व क्रीडा संचालनालय जळगाव यांच्या संयुक्त विद्यमाने दिनांक 6 ऑगस्ट रोजी एरंडोल तालुक्यातील आडगाव येथे ग्रामपंचायत ,धनराज खंडेराव पाटील माध्यमिक विद्यालय व जिल्हा परिषद शाळा आडगाव यांच्या सहकार्याने ऐतिहासिक पदयात्रेचे आयोजन करण्यात आले होते.
या कार्यक्रमाअंतर्गत धनराज खंडेराव पाटील माध्यमिक विद्यालय – जिल्हा परिषद शाळा – हुतात्मा स्मारक या मार्गाने पदयात्रेचे आयोजन करण्यात आले. हुतात्मा स्मारक येथे श्री प्रल्हाद पाटील यांनी हुतात्मा स्मारकाविषयी माहिती सांगितली तसेच स्वच्छता शपथ घेण्यात आली.
याप्रसंगी गावाचे सरपंच श्री सुनील भिल व ग्रामपंचायत सदस्य, क्रीडा संचालनालयाच्या वतीने श्री एम के पाटील , धनराज खंडेराव पाटील माध्यमिक विद्यालयाचे मुख्याध्यापक व शिक्षणवृंद , जिल्हा परिषद शाळेचे मुख्याध्यापक व शिक्षकवृंद तसेच नेहरू युवा केंद्राच्या वतीने तालुका समन्वयक मुकेश भालेराव व नेहा पवार उपस्थित होते.
