जळगाव ( प्रतिनिधी) – राष्ट्रीय महामार्गावरील मराठा मटन हॉटेल समोर दावाखान्यात जाण्यासाठी निघालेल्या दाम्पत्याचा दुचाकीला भरधाव वेगाने येणाऱ्या बसने मागून जोरदार धडक दिल्याची घटना रविवारी घडली.याप्रकरणी जळगाव तालुका पोलीस स्टेशनला बस चालकावर गुन्हा दाखल करण्यात आला आहे.
सूत्रांनी दिलेल्या माहितीवरून, राधिका स्वप्निल उपाध्याय ( वय -30, रा. पाळधी ता. धरणगाव ) या आपल्या पती व मुलीसह राहायला आहेत. राधिका उपाध्याय ह्या पती व मुलगी यांच्यासोबत त्यांची दुचाकी (एमएच १५ जीएच ८४८६) ने दवाखान्यात जाण्याकामी रविवारी १६ ऑक्टोबर रोजी दुपारी २ वाजेच्या सुमारास जळगाव शहरात येत असताना राष्ट्रीय महामार्गावरील मराठा मटन मार्केटसमोर भरधाव वेगाने येणारी बस क्रमांक (एमएच ४० एन ९६४०) ने मागून जोरदार धडक दिली. या धडकेत राधिका उपाध्याय या जखमी झाल्या आहेत तर वाहनाचे देखील नुकसान झाले. या संदर्भात रात्री १०.३० वाजता जळगाव तालुका पोलीस स्टेशनला तक्रार दिली आहे. त्यांच्या तक्रारीवरून बसचालक ज्ञानेश्वर पांडुरंग देशमुख रा. एम.जे. कॉलेज समोर, सिद्धार्थ नगर, जळगाव याच्या विरोधात गुन्हा दाखल करण्यात आला आहे. पुढील तपास पोलीस नाईक सुशील पाटील करीत आहे.
