जळगाव ( प्रतिनिधी ) – जलतरणाला प्रोत्साहन देण्यासाठी, होतकरू जलतरणपटूंना मदत करण्यासाठी लक्ष्मी ग्रुप ऑफ कंपनीजच्यावतीने जिल्हा पोलीस दलाच्या सहकार्याने 17 एप्रिल रोजी स्व. पी .व्ही. माळीदादा स्मरणार्थ जलतरण स्पर्धेचे आयोजन करण्यात आले आहे. ही स्पर्धा जळगाव पोलीस मुख्यालय येथील जलतरण तलावात होणार आहे .
स्व. पी. व्ही. माळीदादा यांनी नामांकित जलतरणपटू घडविण्यात मोलाचे योगदान दिलेले आहे. बत्तीस वर्षांपूर्वी जळगावात प्रोफेशनल स्विमिंग रूजविणारे ते जळगावातील पहिले प्रशिक्षक होत 1994 साली जळगावात पहिल्यांदा माळीदादांच्या नेतृत्वात राज्य नामांकन जलतरण स्पर्धा आयोजित करण्यात आली होती. मेहरूण येथील के. कोकीळ गुरूजी जलतरण उभारण्यात त्यांची मोलाची भूमिका होती. या तलावासाठीच्या सुविधा साठी त्यांनी माजी महापोर प्रदीप टायसोनी यांच्या घरावर काढलेला स्विमिंग कॉस्च्युम मोर्चा ऐतिहासिक ठरला होता.
जळगावातील होतकरू क्रिडापटूंसाठी जैन इरिगेशनच्या माध्यमातून विविध स्पर्धांसाठी त्यांनी वेळोवेळी मदतही उपलब्ध करून दिली. जळगावात प्रथमतः दत्तक योजनेची संकल्पना त्यांनीच आणली. कमलेश नगरकर, राहूल रनाळकर, प्राची मोघे, पियुष श्राफ, मिलिंद बाविस्कर यांसारखे असंख्य जलतरणपटू माळीदादांनी घडविले त्यांनी राष्ट्रीय व आंतरराष्ट्रीय स्तरावर चमक दाखविली. माळीदादांनी महाराष्ट्र राज्य होशी जलतरण असोसिएशनचे उपाध्यक्ष तथा संचालक म्हणून 25 वर्षे जबाबदारी सांभाळली.
स्व.पि. व्ही. माळीदादांच्या पुण्य स्मरणार्थ या जलतरण स्पर्धेचे आयोजन करण्यात आले आहे. या स्पर्धा 5 वेगवेगळ्या गटात घेतल्या जाणार आहे. गट-1-(स्त्री व पुरुष ) –फ्री स्टाईल 50 मी. ब्रेस्ट स्ट्रोक -50 मी. गट-2 – (मुले व मुली वय-15 ते 17 वर्षे) -फ्री स्टाईल 50 मी. ब्रेस्ट स्ट्रोक — 50 मी. फ्री स्टाईल मिक्स टिले 4 वाय 50 मी. गट 3 (मुले व मुली वय 12 ते 14 वर्षे) फ्री स्टाईल 50 मी. ब्रेस्ट स्ट्रोक-50 मी. तसेच फ्री स्टाईल मिक्स टिले 4 वाय 50 मी गट-4 (मुले व मुली वय — 1 ते 10 वर्षे) फ्री स्टाईल 50 मी. ब्रेस्ट स्ट्रोक – 50 मी. फ्री स्टाईल मिक्स टिले 40 वाय 50 मी गट-5 (9 वर्षांखालील मुले मुली) फ्री स्टाईल 25 मी. ब्रेस्ट स्ट्रोक-25 मी. फ्री • स्टाईल मिक्स टिले अशा विविध वयोगटात स्पर्धा घेतल्या जाणार आहेत
या स्पर्धांमध्ये सहभागी होण्यासाठी कोणतेही प्रवेश शुल्क आकारले जाणार नाही . . सहभागी जलतरणपटूंना टी-शर्ट , मर्टिफिकेट , ब्रेकफास्ट व लंच इत्यादी मोफत दिले जाणार आहे. विजेत्यांना मेडल्स देऊन गौरविण्यात येणार आहे. स्पर्धेत सहभागी होण्यासाठी 12 एप्रिल ही अंतिम दिनांक असून स्पर्धेसंदर्भात अधिक माहिती तसेच प्रवेशासाठी कमलेश नगरकर ( मो. क्र. 9423491808 ). व गायत्री क्षेत्रपाल ( मो. क्र. 7397803577 ) यांचेशी संपर्क साधावा असे आवाहन आयोजकांच्या वतीने करण्यात आले आहे.
