जळगाव ( प्रतिनिधी ) – मेहरूण तलावात मित्रांसोबत पोहणाऱ्या मुलाचा पाण्यात बुडून मृत्यू झाला आहे. एमआयडीसी पोलीस ठाण्यात अकस्मात मृत्यूची नोंद करण्यात आली आहे. हर्षल संजय महाजन (वय-१६ , रा. अयोध्या नगर जळगाव ) असे मयत झालेल्या मुलाचे नाव आहे.
हर्षल महाजन आई व वडील यांच्यासह अयोध्यानगरात वास्तव्याला आहे. वडील संजय महाजन हे एमआयडीसीतील बेन्झो केमीकल कंपनीत नोकरीला आहे. हर्षल नववीचे शिक्षण घेत होता. मंगळवारी सकाळी संजय महाजन हे कामावर निघून गेले त्यांनंतर हर्षल देखील मित्रांसोबत बाहेर निघून गेला. दुचारी मित्रांसोबत मेहरूण तलावात पोहण्यासाठी गेला. त्याला पाण्यातील खोलीचा अंदाज न आल्याने तो बुडाला. तो बुडाल्याचे पाहून किनाऱ्यावर उभे असलेले काही तरूणांनी आरडाओरड केली. काही पट्‌टीचे पोहणाऱ्यांनी त्याला मयत स्थितीत बाहेर काढले. या घटनेची माहिती मिळाल्यानंतर एमआयडीसी पोलीस ठाण्याचे पोलीस उपनिरीक्षक दिपक जगदाळे, पो.कॉ. साईनाथ मुंढे यांनी मृतदेह जिल्हा शासकीय रूग्णालयात रवाना केला.
