भुसावळ ( प्रतिनिधी ) – कुर्हे पानाचे येथील जुगार अड्डयावर पोलिसांनी धाड टाकून कारवाई करताच तेथील सरपंचाने पोलिसांनाच मारहाण करून धमकावले असून सरपंचासह चौघांना अटक करण्यात आली आहे.
डीवायएसपी सोमनाथ वाघचौरे यांना कुर्हे पानाचे येथे जुगार अड्डा सुरू असल्याची माहिती मिळाली. त्यानंतर पथकाने मंगळवारी सायंकाळी छापा टाकून १६ जुगार्यांना ताब्यात घेतले. त्यात गोपाळ बारी व महेश वराडे यांचा समावेश होता. या दोघांना घेऊन जात असताना सरपंच जीवन पाटील, प्रमोद भोई, ईश्वर भोई व सुभाष पाटील यांनी पोलिसांना मारहाण करून कारवाईला विरोध केला. बाजारपेठ पोलिस ठाण्याचे रमण सुरळकर यांना मारहाण करून त्यांच्या ताब्यात असणार्या दोन जणांना सोडवून पळ काढला.सरपंच जीवन पाटील याने पोलिसांना पाहून घेऊ अशी धमकी दिली.
पोलिस कर्मचारी रमण सुरळकर यांच्या फिर्यादीवरून सरपंचासह चौघांंविरुद्ध सरकारी कामात अडथळा आणल्याचा गुन्हा दाखल झाला आहे.
