पारोळा (प्रतिनिधी) – पारोळा पोलिसांनी तालुक्यात दोन,दिवसात सात दारू अड्डयांवर छापे टाकत १ लाख १६ हजार १७५/- रुपयांचा मुद्देमाल जप्त केला आहे .
रत्नापिंप्री येथील रॉयल गार्डन हॉटेल येथे अमोल नागराज शिंदे अवैध दारूविक्री करीत असल्याची माहिती मिळाल्यावर छापा टाकला असता व्हाइट मिस चीफ वोडका, मॅजिक मूव्हमेंट वोडका, गोवा जीन वोडका, मास्टर ब्लेंड, इंपिरियल ब्लु, ऑफिसर चॉईस व्हिस्की, मॅक्डोनाल्ड, रॉयल स्टेग, टंगो दारूच्या 7630/-रुपयांच्या बाटल्या सापडल्या.
अमळनेर पारोळा रोडवरील भिलाली फाट्याजवळ शिवार हॉटेल जवळ वसंत भाऊराव मराठे यांचे ताब्यात 4530/-रुपयांची इंग्लिश व देशी दारू मिळून आली ही कारवाई पो नि रामदास वाकोडे, पो नि किरणकुमार बकाले यांचे मार्गदर्शनाखाली हे कॉ विनोद साळी, पो ना सुनील वानखेडे, संदीप सातपुते,पो कॉ राहुल पाटील,पारोळाचे नंदलाल पाटील, भगवान पाटील यांनी केली.
मोहाडी येथे हॉटेल फोजीमागे नाल्यालगत किशोर भीमसिंग ठाकरे हे देशी विदेशी दारू विकत आहेत अशी गोपनीय बातमी मिळाल्यावर छापा टाकला असता -3690/-रुपयांचा मुद्देमाल मिळून आला गुन्हा दाखल आहे,
जोगलखेडा येथील प्रदीप प्रल्हाद देवरे जोगलखेडा फाट्याजवळ हॉटेल रायबा येथे देशी विदेशी दारू विकत आहे अशी बातमी मिळालेवर छापा टाकला असता -9145/-रुपयांचा मुद्देमाल मिळून आला ,गुन्हा दाखल आहे.
जोगलखेडा फाट्याजवळ हॉटेल तोरणाचे मालक देशी विदेशी दारू विकत होते तेथे छापा टाकला असता 1680/ रुपयांचा मुद्देमाल मिळून आला गुन्हा दाखल आहे.भिलाली गावी हिवरखेडाकडे जाणारे रोडलगत बोरी नदीकाठी मनोज अशोक पवार हे दारुभट्टी काढतात अशी बातमी मिळालेने छापा टाकला असता- 56500/-रुपयांचा मुद्देमाल जागीच नाश करून टाकला आहे, गुन्हा दाखल आहे.
भिलाली गावी बोरी नदीकाठी अवैध दारू भट्टी चालू आहे अशी गीपनिय बातमी पो नि रामदास वाकोडे यांना मिळालेने त्यांचे मार्गदर्शनाखाली सपोनि निलेश गायकवाड, पो उ नी राजू जाधव, शेखर डोमाले, सपोनि जयवंत पाटील, पी ना सुनील साळुंखे, संदीप सातपुते, पो कॉ किशोर भोई, अभिजित पाटिल, आशिष गायकवाड, मोहसीन, राहुल पाटील या पथकाने सात अवैध दारुभट्टी व विक्री करणारावर, हॉटेल मालकावर कारवाई करीत 1,16,175/-रुपयांचा मुद्देमाल जप्त केला गुन्हे दाखल करून कारवाई केली.
