जळगाव (प्रतिनिधी) – येथील स्थानिक गुन्हे अन्वेषण शाखेच्या पथकाने अल्पवयीन चोरट्याला ताब्यात घेत त्याच्याकडून चार दुचाकी हस्तगत करण्यात यश मिळविले आहे. विविध पोलीस स्टेशनला दाखल गुन्ह्यात या मोटरसायकल हव्या होत्या.
पोलीस अधीक्षक डॉ. प्रविण मुंढे, अपर पोलीस अधीक्षक चंद्रकांत गवळी यांनी जिल्ह्यात जास्त प्रमाणात मोटार सायकल चोरीचे प्रमाण वाढल्याने गुन्हे उघडकीचे आदेश आणि गुन्हे अन्वेषण शाखेचे पोलीस निरीक्षक किरणकुमार बकाले यांना दिले होते. त्यांनी त्यांचे पथकातील पो. हे. जितेंद्र पाटील, अक्रम शेख, महेश महाजन, विजय पाटील, प्रितम पाटील, नितीन बावीस्कर, अविनाश देवरे, सचिन महाजन, भारत पाटील अश्यांचे पथक नेमण्यात आले होते.
हरिविठ्ठल नगर भागातील रेकॉर्ड वरील गुन्हेगार हा अल्पवयीन मुलांच्या सहाय्याने मोटार सायकल चोरी करून त्यांचे मार्फतीने विल्हेवाट लावत असल्याची माहिती मिळाली. त्यावरून सखोल तपास करून पुढील कारवाई करण्यात आली. हरी विठ्ठल नगर भागात जावून शोध घेतला असता रेकॉर्ड वरील आरोपी हा फरार झाला असून अल्पवयीन बालक मिळून आला आहे.
त्याचे कडून ४ मोटार सायकल ताब्यात घेण्यात आल्या असून त्यात जिल्हापेठ पो.स्टे, एरंडोल पो.स्टे,अमळनेर पो.स्टे., रावेर पो स्टे. हे उघड झाले आहेत. सदरच्या मोटार सायकल ह्या पुढील कारवाई करीता जिल्हापेठ पो.स्टे. ला जमा करण्यात आल्या आहेत.
