नवी दिल्ली (वृत्तसंस्था) – पेट्रोल डिझेलच्या किंमतीतील वाढ आता थांबली आहे. सरकारी तेल कंपन्या इंडियन ऑइल (IOC), भारत पेट्रोलियम कॉर्पोरेशन लि. (BPCL) आणि हिंदुस्तान पेट्रोलियम कॉर्पोरेशन लि. (HPCL) मंगळवारी पेट्रोलच्या दरात कोणताही बदल केलेला नाही. पेट्रोल-डिझेलचे दर सलग 15 व्या दिवशी स्थिर आहेत. राष्ट्रीय राजधानी दिल्लीत एक लिटर पेट्रोलची किंमत 90.40 रुपये आहे. त्याचवेळी, एक लिटर डिझेलची किंमत 80.73 रुपये आहे.
मार्च महिन्यात पेट्रोल आणि डिझेलच्या किंमती तीन वेळा कमी करण्यात आल्या. 24 मार्च रोजी पेट्रोलच्या दरात 18 पैसे आणि डिझेलच्या 17 पैशांनी कपात करण्यात आली. 25 मार्च रोजी डिझेल 20 पैशांनी आणि पेट्रोल 21 पैशांनी स्वस्त झाले आहे. त्याचबरोबर मंगळवार, 30 मार्च रोजी पेट्रोल 22 पैशांनी तर डिझेल 23 पैसे प्रतिलिटर स्वस्त झाले. या कपातीनंतर पेट्रोल 61 पैसे प्रति लीटर स्वस्त झाले आहे.
दररोज सकाळी 6 वाजता पेट्रोल आणि डिझेलच्या किंमती बदलतात. नवीन दर सकाळी 6 वाजल्यापासून लागू आहेत. पेट्रोल डिझेलच्या किंमतीत एक्साईज ड्युटी, डीलर कमिशन आणि इतर गोष्टी जोडल्यानंतर त्याची किंमत जवळजवळ दुप्पट होते. परदेशी विनिमय दरासह आंतरराष्ट्रीय बाजारात क्रूडचे दर काय आहेत यावर अवलंबून पेट्रोल आणि डिझेलचे दर दररोज बदलत असतात.
>> दिल्लीत पेट्रोल 90.40 रुपये तर डिझेल प्रति लिटर 80.73 रुपये आहे.
>> मुंबईत पेट्रोल 96.83 रुपये तर डिझेल प्रति लिटर 87.81 रुपये आहे.
>> कोलकातामध्ये पेट्रोल 90.62 रुपये आणि डिझेल प्रति लिटर 83.61 रुपये आहे.
>> चेन्नईमध्ये पेट्रोल 92.43 रुपये तर डिझेल 85.75 रुपये प्रति लिटर आहे.
>> बेंगळुरूमध्ये पेट्रोल 93.43 रुपये आणि डिझेल 85.60 रुपये प्रति लिटर आहे.
>> भोपाळमध्ये पेट्रोल 86.99 आणि डिझेल 88.98 रुपये प्रतिलिटर आहे.
>> चंडीगडमध्ये पेट्रोल 87.14 रुपये तर डिझेल 80.43 रुपये प्रतिलिटर आहे.
पेट्रोल डिझेलचे दर याप्रमाणे तपासा
आता आपण एसएमएसद्वारे देखल पेट्रोल डिझेलची किंमत शोधू शकता. दररोज सकाळी 6 वाजता पेट्रोल डिझेलचे दर अपडेट केले जातात. इंडियन ऑइलच्या वेबसाइटनुसार, आपल्याला RSP सह आपला शहर कोड टाइप करावा लागेल आणि 9224992249 या क्रमांकावर एसएमएस पाठवावा लागेल. प्रत्येक शहराचा कोड वेगळा आहे. आपण हे आयओसीएल वेबसाइटवरून पाहू शकता. त्याच वेळी, आपण BPCL कस्टमर असाल तर RSP लिहून 9223112222 वर आणि एचपीसीएल कस्टमर HPPrice असे लिहून 9222201122 एसएमएस पाठवून आपल्या शहरातील पेट्रोल डिझेलची किंमत जाणून घेऊ शकता.
