चाळीसगाव (प्रतिनिधी) – येथील हरिओम नगरातून २६ वर्षीय महिला तिच्या दोन मुलांसह बेपत्ता झाल्याची खबर शुक्रवारी २६ रोजी रात्री चाळीसगाव शहर पोलीस स्टेशनला दाखल करण्यात आली आहे. त्यावरून पोलीस तपास करीत आहे.
विजय देविदास चौधरी (वय २५, रा. हरिओम नगर, चाळीसगाव) यांनी खबर दिली आहे. दि. १५ रोजी सकाळी ९ वाजेनंतर राहत्या घरातून त्यांची पत्नी विद्या विजय चौधरी (वय २६), मुलगा तेजस विजय चौधरी (वय ६), मुलगी वेदिका विजय चौधरी (वय ४) यांच्यासह कोणास काही एक न सांगता निघून गेले आहे. त्यानुसार चाळीसगाव शहर पोलीस स्टेशनला गुन्हा दाखल करण्यात आला आहे. तपास पोहेकॉ पंकज पाटील करीत आहे.