जळगाव (प्रतिनिधी) – यावल तालुक्यातील डोंगरकठोरा येथे एका शेतकऱ्यावर किरकोळ कारणावरून एकाने धारदार शस्त्राने जांघेत जोरदार वार करीत गंभीर जखमी केले आहे. या हल्ल्यात हल्लेखोराने शेतकऱ्याच्या म्हशीवरदेखील शस्त्राने वार केल्याचे ग्रामस्थांनी सांगितले. यावल पोलीस घटनेची माहिती घेत आहे.
चंदन बळीराम सपकाळे ( वय ३३) असे जखमी शेतकऱ्याचे नाव आहे. तो गावातील राजू साहेब व कमलाकर राणे यांच्या शेतात केळीचे पील कापत असताना शेतातील संशयित पितांबर केशव आढळे हा तेथे आला. पितांबर आढळे यास हिश्याने शेती करायला दिलेले आहे. चंदन सपकाळे हा केळीचे घड कापत आहे काय असे वाटून त्याने पहिले त्याच्या म्हशीला केळी कापण्याचे धारदार शस्त्राने वार केला. त्यानंतर त्याने चंदन सपकाळे याच्या जांघेत उजव्या बाजूने जोरदार वार करून त्याला गंभीर जखमी केले.
ग्रामस्थांनी तात्काळ चंदन सपकाळे यास यावल ग्रामीण रुग्णालयात दाखल केले. तेथून त्याला जळगाव येथे शासकीय वैद्यकीय महाविद्यालय व रुग्णालय येथे उपचारार्थ दाखल करण्यात आले. शासकीय रुग्णालयात त्याच्यावर उपचार सुरु आहे. याबाबत सुनंदाबाई बळीराम सपकाळे यांनी फिर्याद दाखल केल्याने पितांबर आढाळे याच्या विरुद्ध गुन्हा दाखल करण्यात आला असुन , पुढील तपास पोलीस निरिक्षक राकेश मानगावकर यांच्या मार्गदर्शनाखाली पोलीस उपनिरिक्षक सुनिल मोरे हे करीत आहे.
