मुंबई (वृत्तसंस्था) – मुंबईच्या भांडूप भागातील ड्रिम्स मॉल सनराईज रुग्णालयाला शुक्रवारी पहाटे आग लागली. मुंबई आपत्कालिन विभागाकडून मिळालेल्या माहितीनुसार, या रुग्णालयातून 76 कोरोनाग्रस्त रुग्ण उपचार घेत होते. ही आग आता अटोक्यात आल्याचं प्रशासनाकडून सांगण्यात आलं आहे.
या दुर्घटनेत तब्बल 10 जणांचा मृत्यू झाल्याची माहिती समोर येत आहे.आपत्कालीन विभागाने बीबीसीला दिलेल्या माहितीनुसार, 30 कोरोना रुग्णांना पालिकेच्या जंबो रुग्णालयात हालवण्यात आलं आहे तर इतर 30 रुग्णांना फोर्टिस रुग्णालय पाठव्यात आलं आहे. इतर रुग्णांना जवळच्या रुग्णालयात दाखल करण्यात आलंय. आग मोठी अजून आगीचं ठोस कारण समजू शकलेलं नाही.
मुंबईत पुन्हा आग, वारंवार आग लागण्याचं ‘हे’ आहे कारण याठिकाणी सात रुग्ण व्हॅन्टिलेटरवर उपचार घेत होते अशी पोलिसांनी माहिती दिली आहे. पोलीस उपायुक्त प्रशांत कदम यांनी दिलेल्या माहितीनुसार या घटनेत सहा जणांचा मृत्यू झालाय.आग विझवण्यासाठी 22 आगीचे बंब पाठवण्यात आले होते.
मृतांची नावे – या घटनेत एकूण 10 जणांचा मृत्यू झाला. यापैकी निसार जावेदचंद (वय 74), मुणगेकर (वय 66), गोविंदलाल दास (वय 80), मंजुळा बाथेरिया (वय 65), अंबाजी पाटील (वय 65), सुनंदा पाटील (वय 58) आणि सुधीर लाड (वय 66) या 7 जणांची ओळख पटली असून इतर 3 जणांची ओळख अद्याप पटू शकलेली नाही.
मुख्यमंत्र्यांकडून पाहणी – भांडुप येथील सनराईज रुग्णालयास लागलेल्या आगीचं गांभीर्य लक्षात घेता मुख्यमंत्री उद्धव ठाकरे यांनी घटनास्थळाची पाहणी केली., दुपारी एकच्या सुमारास उद्धव ठाकरे भांडुप येथे दाखल झाले. त्यांनी संपूर्ण रुग्णालयाची पाहणी करून आढावा घेतला., त्यांनी संबंधित अधिकाऱ्यांना योग्य ती कार्यवाही करण्याची सूचना केली.
भांडुपची घटना धक्कादायक – भांडुप येथे घडलेली आगीची घटना अत्यंत धक्कादायक आहे. यामध्ये मृत्यूमुखी पडलेल्या लोकांना श्रद्धांजली वाहतो, अशी प्रतिक्रिया विरोधी पक्षनेते देवेंद्र फडणवीस यांनी दिली आहे. तसंच या दुर्घटनेची चौकशी व्हावी, दोषींवर कठोर कारवाई करण्यात यावी, अशी मागणी फडणवीस यांनी केली आहे.
