दहिगाव ता. यावल (प्रतिनिधी) – जिल्ह्यासह तालुक्यात कोविंड-19 ( कोरोना ) ह्या महाभयंकर संसर्गजन्य आजाराने पुन्हा डोके वर काढले आहे कोविंड-19 चे रुग्णांची संख्या वाढतच असून त्याला आळा घालण्यासाठी ता. आरोग्य अधिकारी डॉ. हेमंत ब-हाटे , प्रा. आ. केंद्र सावखेडासिम चे वैद्यकीय अधिकारी डॉ. गौरव भोईटे , व डॉ. नसीमा तडवी यांच्या मार्गदर्शनाखाली सावखेडासिम प्रा. आ. केंद्रा अंतर्गत कार्यक्षेत्रात गाव पातळीवर जनजागृती करून कोवीड-19 सदृश्य लक्षणे असणाऱ्या रुग्णांची चाचणी करण्यात येत आहे. आज आरोग्य वर्धिनी केंद्र कोळवद येथील समुदाय आरोग्य अधिकारी डॉ. साजिद तडवी , डॉ. राहुल गजरे व भूषण पाटील यांनी परसाडे येथे 26 संशयित व्यक्तीची कोविड-19 ऑंटी रॅपिड टेस्ट केली असता सर्व निगेटिव्ह आले.
तसेच ग्रामस्थांनी लक्षणे दिसताच त्वरित कोविड-19 ची तपासणी करून घ्यावी आणि मास्क, साॅनिटाईझर चा वापर करून सोशल डीस्टेन्सीगचे पालन करावे असे आवाहन डॉ. तडवी यांनी केले. जनजागृती व शिबीर यशस्वीतेसाठी समुदाय आरोग्य अधिकारी डॉ. साजिद तडवी, डॉ. राहुल गजरे , भुषण पाटील, महेमुदा तडवी, आशा सेविका यांनी परिश्रम घेतले.
