जळगाव ( प्रतिनिधी ) – शहरातील विशाल कॉलनीत असलेल्या नवसाचा गणपती मंदिराजवळ येथे एका अपार्टमेंटच्या घरातून महाग दोन मोबाईल अज्ञात चोरट्याने चोरून नेले आहे. याबाबत शनिवार १.३० वाजता जिल्हा पेठ पोलीस स्टेशनला अज्ञात चोरट्यावर गुन्हा दाखल करण्यात आला आहे.
सूत्रांनी दिलेली माहिती अशी की, अनिकेत मनोज लोढा ( वय – २७) रा. नवसाचा गणपती मंदीराजवळ, विशाल कॉलनी, जळगाव हा आपल्या कुटुंबीयांसह राहायला आहे. शनिवार २२ ऑक्टोबर सकाळी ६.३० ते ७ वाजेच्या दरम्यान अज्ञात चोरट्यांनी त्यांच्या घरात जाऊन ३२ हजार रुपये किमतीचे दोन मोबाईल चोरून नेल्याचे समोर आले. दरम्यान अनिकेत लोढा यांनी सर्वत्र शोध घेतला, परंतु त्यांना मोबाईल कुठेही मिळून आला नाही. अखेर त्यांनी दुपारी १.३० वाजता जिल्हापेठ पोलीस स्टेशनला तक्रार दिली. त्यांच्या तक्रारीवरून अज्ञात चोरट्यांवर गुन्हा दाखल करण्यात आला आहे. पुढील तपास पोलीस हेडकॉन्स्टेबल गणेश निकम करीत आहे.