जळगाव ( प्रतिनिधी ) – जळगाव शहरातील सुप्रीम कॉलनीत पैसे मागण्याच्या कारणावरून एका मजुराला शिवीगाळ करून लाकडी दांडक्याने मारहाण करून गंभीर जखमी केले. याबाबत मंगळवार २२ नोव्हेंबर रोजी दुपारी ४ वाजता एमआयडीसी पोलीस स्टेशनला एकावर गुन्हा दाखल करण्यात आला आहे.
याबाबत सविस्तर वृत्त असे की, गोपाल राजाराम सपकाळे (वय- ५८, रा.सुप्रीम कॉलनी, श्रीकृष्ण नगर जळगाव) हे मजुरीचे काम करतात. मंगळवार २२ नोव्हेंबर रोजी मध्यरात्री १२ वाजेचच्या सुमारास सोन्या (पूर्ण नाव माहित नाही) हा त्यांच्याजवळ येऊन त्यांच्याकडे पैसे मागू लागला. यावेळी गोपाल सपकाळे यांनी पैसे देण्यास नकार दिला, याचा राग आल्याने सोन्याने त्याच्या हातातिल लाकडी दांडक्याने सपकळे यांना बेदम मारहाण करून गंभीर दुखापत केली. या मारहाणीत त्यांच्या छातीला व हाताला गंभीर जखम झाल्याने त्यांना खाजगी रुग्णालयात दाखल करण्यात आले आहे. या संदर्भात दुपारी ४ वाजता गोपाल सपकाळे यांनी दिलेल्या फिर्यादीवरून संशयित आरोपी सोन्या (पूर्ण नाव माहित नाही) याच्या विरोधात एमआयडीसी पोलीस स्टेशनला गुन्हा दाखल कऱण्यात आला आहे. या घटनेचा पुढील तपास पो.हे. कॉ. महेंद्रसिंग पाटील करीत आहे.