जळगाव ( प्रतिनिधी ) – इलेक्ट्रिक डीपीजवळ पायी जाणाऱ्या तरुणाला किरकोळ कारणावरून एकाने धारदार वस्तूने वार करून हातावर दुखापत केल्याची घटना जळगाव शहरातील नागसेननगर येथील घडली आहे. याबाबत बुधवारी एमआयडीसी पोलीस स्टेशनला एकावर गुन्हा दाखल करण्यात आला आहे.
सूत्रांनी दिलेली माहिती अशी की, मुकेश रोहिदास झाल्टे ( वय – २६) रा. नागसेन नगर, रामेश्वर कॉलनी, जळगाव हा आपल्या परिवारासह राहायला आहे. मंगळवारी १८ ऑक्टोबर रोजी ५.३० वाजेच्या सुमारास तो त्याची भाचीला क्लासला सोडण्यासाठी पायी जात असताना कॉलनीतील इलेक्ट्रिक डीपीजवळ बसलेला गोपाल देवकर बसलेला होता. त्यावेळी मुकेश म्हणाला की, ‘तुम्ही इथे नशा पाणी करत जाऊ नका, लोकांना त्रास होतो’ असे बोलण्याचा राग आल्याने गोपाल देवकर याने त्याच्या हातातील धारदार वस्तूने मुकेश झाल्टे याच्या उजव्या हाताच्या पंजावर मारून दुखापत केली व शिवीगाळ केली. बुधवार १९ ऑक्टोबर रोजी रात्री १० वाजता मुकेश झाल्टे याने एमआयडीसी पोलीस स्टेशनला तक्रार दिली. त्यांच्या तक्रारीवरून संशयित आरोपी गोपाल देवकर (पूर्ण नाव माहित नाही) रा. नागसेन नगर, रामेश्वर कॉलनी, जळगाव यांच्या विरोधात गुन्हा दाखल करण्यात आला आहे. पुढील तपास पोहेकॉ महेंद्रसिंग पाटील करीत आहे.
