जळगाव ( प्रतिनिधी ) – विद्युत डीपीवर रीव्हर्स आलेले कंटेनर धडकल्यानंतर घडलेल्या दुर्घटनेत विजेचा धक्का लागून चालकाचा जागीच मृत्यू झाला. ही घटना शनिवारी सकाळी साडेनऊ वाजेच्या सुमारास खेडी परीसरात घडली.
शहरातील खेडी परीसरातील पेट्रोल पंपाच्या बाहेरील बाजूला आर.जे.09 जी.सी.2597 या क्रमांकाच्या कंटेनरवरील चालकाने (नाव, गाव पूर्ण माहित नाही) शनिवारी कंटेनर मागे घेण्याचा प्रयत्न केला मात्र त्याला मागच्या बाजूला असलेल्या इलेक्ट्रीक डीपीचा अंदाज न आल्याने कंटेनर सरळ डीपीवर आदळला यामुळे विजेचा तीव्र धक्का लागून गाडीच्या ड्रायव्हरचा जागीच मृत्यू झाला. नंतर परीसरातील लोकांनी घाव घेऊन सावधगिरीने चालकाचा मृतदेह कॅबीनच्या बाहेर काढत जळगाव जिल्हा रुग्णालयात हलवला.
