जळगाव ( प्रतिनिधी ) – रात्री जेवणानंतर फिरणाऱ्या महिलेच्या गळ्यातील सोन्याची चैन अज्ञात चोरट्यांनी शहरातील व्यंकटेश मंदीराजवळ बुधवारी रात्री धूम स्टाईल लांबवली. गुरुवारी रामानंद नगर पोलिसात गुन्हा दाखल करण्यात आला.
कला नरेंद्र भंसाली (66, रा.बालाजी पार्क, व्यंकटेश मंदिराजवळ, ) या बुधवारी रात्री 9 वाजता शतपावलीसाठी निघाल्या असतानाच अज्ञात चोरट्यांने त्यांच्या गळ्यातील 35 हजार रुपये किंमतीची 12 ग्रॅम वजनाची सोन्याची चैन लांबवली. महिलेने आरडाओरड केली मात्र तोपर्यंत चोरटा पसार झाला. गुरुवारी सकाळी रामानंदनगर पोलिस ठाण्यात चोरट्याविरोधात गुन्हा दाखल करण्यात आला. पुढील तपास पो उ नि शांताराम पाटील करीत आहेत.
