फैजपूर , ता यावल ( प्रतिनिधी ) – शहादा येथून वाहनात भरून सावदा शहराकडून परराज्यात जाणारा १५ लाखांचा गुटखा फैजपूर पोलिसांनी जप्त केला.
चौघांविरोधात फैजपूर पोलिसात गुन्हा दाखल करून दोघांना अटक करण्यात आली आहे. फैजपूर अभियांत्रिकी महाविद्यालयाजवळ रविवारी पोलिसांनी महेंद्रा पिकअप वाहन (एमएच ४६ ई ६१२५) ची तपासणी केल्यावर त्यात १५ लाख ७० हजार ८०० रुपये किंमतीचा गुटखा आढळला. संशयीत आरोपी अरबाजखान नवाज खान पठाण व शे.जमिलोद्दीन रफियोद्दीन , साहिल रफिक मेमन (शहादा,जि.नंदुरबार) व मोहसीन शेख (अडावद) यांच्याविरोधात राजेश बर्हाटे यांच्या फिर्यादीनुसार गुन्हा दाखल करण्यात आला. गुटखा व वाहनासह १९ लाख २० हजार २०० रुपयांचा मुद्देमाल जप्त करण्यात आला. अरबाजखान नवाज खान पठाण व शे.जमिलोद्दीन रफियोद्दीन यांना अटक करण्यात आली आहे. ही कारवाई सपोनि सिद्धेश्वर आखेगावकर, उपनिरीक्षक मोहन लोखंडे, हवालदार देविदास सुरदास, राजेश बर्हाटे आदींच्या पथकाने केली. तपास उपनिरीक्षक मोहन लोखंडे, कॉ महेंद्र महाजन, चेतन महाजन, होमगार्ड श्रीकांत इंगळे करीत आहेत.
