जळगाव (प्रतिनिधी) – केंद्र व राज्य सरकार लॉकडाऊन उठवायला तयार नसून ते काहीही सवलत द्यायला तयार नाहीत, याचा निषेध म्हणून तसेच एसटी सेवा व महानगरातील सार्वजनीक बससेवा सुरू झाल्याच पाहिजे या प्रमुख मागणीसाठी आज जळगाव येथील नवीन बस स्थानकावर वंचित बहुजन आघाडीच्या वतीने डफली बजाव आंदोलन करण्यात आले. हे आंदोलन वंचीत आघाडीचे राष्ट्रीय अध्यक्ष प्रकाश आंबेडकर यांच्या मार्गदर्शनाखाली जळगाव जिल्हाध्यक्ष प्रमोदजी इंगळे यांच्यानेतृत्वाखाली पार पडले. या वेळी जिल्हाध्यक्ष प्रमोदजी इंगळे यांच्यासह, पदाधिकारी यांना अटक करून सुटका करण्यात आली.
एसटी महामंडळ विभागीय नियंत्रकांना दिले निवेदन
लॉकडाऊन मूळे राज्यासह जिल्ह्यातील बससेवा बंद असल्याने कामगारांची उपासमार होत आहे, तर दुसरीकडे शहरातील सार्वजनिक वाहतूक व्यवस्था अद्यापही बंद आहे. त्यामुळे सर्वसामान्य नागरिकांचे हाल होत आहेत. या बससेवा तात्काळ सुरू करण्यात याव्यात या प्रमुख मागणीचे निवेदन एसटी महामंडळ विभागीय नियंत्रक यांना देण्यात आले. यावेळी जिल्हाध्यक्ष प्रमोदजी इंगळे यांच्यासह जिल्हा महासचिव वैभव शिरतुरे, जिल्हा संपर्क प्रमुख आधार कांबळे,युवक महानगर अध्यक्ष जितेंद्र केदार महानगर सचिव हेमंत सुरवाडे , राहुल सुरवाडे, यांच्यासह कार्यकर्ते उपस्थित होते.
