जळगाव ( प्रतिनिधी ) – रेल्वे स्थानकावरून सकाळी 11 वाजता निघालेल्या अहमदाबाद – बरौनी एक्स्प्रेसच्या एसी डब्यातून धूर निघाल्याने खळबळ उडाली. चालकाने प्रसंगावधान राखून ही गाडी तात्काळ उभी केली. त्यामुळे मोठा अनर्थ टळला.
अहमदाबाद – बरौनी एक्स्प्रेसच्या S-7 बोगीचे सेंटर ओपन असल्याने हा धूर निघाल्याचे समजते. गार्ड आणि चालकाने गाडी तात्काळ गाडी जळगावातील प्लॅटफॉर्म क्रमांक पाचवर उभी केली. घटनास्थळी महापालिकेचे तीन अग्निशमन बंब दाखल झाले. तत्पू्र्वीच रेल्वेच्या टेक्निशियन यांनी सेंटर ओपन करून वाढणारी आग विझवली. त्यामुळे मोठा अनर्थ टळला. या घटनेमुळे जळगाव रेल्वे स्थानकावर एकच खळबळ उडाली होती. नंतर ळगावकडून अहमदाबादकडे ही रेल्वे मार्गस्थ करण्यात आली.
