जळगाव ( प्रतिनिधी ) – गोलाणी मार्केट परिसरातील संतोष ज्यूस सेंटर दुकानासमोरून १५ हजार रूपये किंमतीची मोटारसायकल अज्ञात चोरट्यांनी चोरून नेली शहर पोलीस ठाण्यात गुन्हा दाखल करण्यात आला .
अजयसिंग राजपूत (वय – ३५) हा रामेश्वर कॉलनीत कुटुंबियांसह वास्तव्याला आहे. मजूरी करून उदरनिर्वाह करतो. ६ जून रोजी सकाळी गोलाणी मार्केट येथे मोटारसायकलने (एमएच १९ बीएल ३२९६) कामावर आला . मार्केट परिसरातील संतोष ज्यूस सेंटर जवळ त्यांनी मोटारसायकल लावली होती. सायंकाळी काम आटोपून ते घरी जाण्यासाठी निघाले असता त्यांना जागेवर मोटारसायकल आढळून आली नाही. त्यांनी परिसरात शोधाशोध केली परंतू कुठेही आढळून आली नाही. १० जून रोजी दुपारी शहर पोलीस ठाण्यात तक्रार दिली. शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला तपास पो ना राजकुमार चव्हाण करीत आहेत.
