जळगाव ( प्रतिनिधी ) – शिवाजीनगर भागात खंडित वीजपुरवठ्याच्या समस्येकडे महावितरणचे अधिकारी लक्ष देत नसल्याने शहर आणि कार्यकारी अभियंत्यांना निवेदन देऊन अल्पसंख्यांक सेवा संघाने आंदोलनाचा इशारा दिला आहे .
अल्पसंख्यांक सेवा संघाचे प्रदेशाध्यक्ष जहांगीर खान यांच्या नेतृत्वाखालील शिष्यमंडळाने दिलेल्या या निवेदनात पुढे म्हटले आहे की , शिवाजीनगर
एम.एस.ई.बी.फिडरवर कंत्राटी कर्मचारी काम करत असतांना त्यांच्यासोबत एकही नियमित कर्मचारी उपस्थित रहात नाही अडचणीच्या काळात रात्री आठ वाजेपासून सकाळी आठ वाजेपर्यंत मोबाईल बंद किंवा नॉट रिचेबल असतो हा नेहमीच अनुभव आहे असे दोषी अधिकारी आणि कर्मचारी यांची कसुन चौकशी व्हावी शिवाजीनगर फिडरचा दुरध्वनी रोज उचलून बाजूला ठेवला जातो
उन्हाळ्यात तीन-तीन तास लोडशेडींग व मनमानी कारभाराने लाईट बंद करीत होते आता पावसाळा लागल्यापासून पावसाळ्याच्या व झाडांच्या फांद्या छाटण्याच्या नावाखाली लाईट बंद करण्यात येत आहे डी.पी.चा फ्युज उडाला तर संपूर्ण फिडरची लाईट ४ — ४ तास बंद असते ही समस्या कायमची सोडवावी अन्यथा अल्पसंख्यांक सेवा संघटनेतर्फे आंदोलन करण्यात येईल याची नोंद घ्यावी.
