जिल्हा रुग्णालयात दोन नवीन कोरोना संशयित रुग्ण दाखल

जळगाव– सध्या जिल्हा रुग्णालयात कोरोना संशयित दोन रुग्ण दाखल झाले असून आतापर्यन्त २८ रुग्नांचे निकाल आहेत . याबाबत सूत्रांनी दिलेली माहिती अशी कि एक जामनेर तालुक्यातील ३१ वर्षीय तरुण तर दुसरा म्हसावद येथील २५ वर्षीय तरुण अाहे. यातील
जामनेर तालुक्यातील गोद्री येथील एकतीस वर्षीय तरुण पुण्याहून परतलेला आहे. पुण्यात तो कोरोना पॉसिटिव्ह रुग्णाच्या संपर्कात आला होता. गावी परतल्यावर कोरोना सदृश्य लक्षणे जाणवल्याने तो बुधवारी जिल्हा रुग्णालयात दाखल झाला. तर दुसरा म्हसावद येथील तरुण हा दिल्ली एअरपोर्टवर कामाला असून तोही गावी परतल्यावर त्याला सर्दी ताप खोकला जाणवल्याने बुधवारी जिल्हा रुग्णालयात दाखल झाला. दोघांचे नमुने घेण्यात असुन ते तपासणीसाठी पुण्याला पाठवण्यात आले आहेत.
जिल्ह्यात आतापर्यंत ३३ रुग्ण दाखल
जिल्हा रुग्णालयात आजपावेतो एकूण ३३ कोरोना संशयित रुग्ण दाखल झाले. त्यापैकी 28 जणांचे तपासणी अहवाल निगेटिव्ह आलेले असून तिघांचे अहवाल प्रतीक्षेत असल्याची माहिती शासकीय वैद्यकीय महाविद्यालयाचे अधिष्ठाता डॉ .भास्कर खैरे यांनी दिली. नागरिकांनी काळजी घेण्याचे आवाहन प्रशासनाने केले आहे