यावल तालुक्यातील अंजाळे येथील घटना
यावल (प्रतिनिधी) :- तालुक्यातील अंजाळे गावाजवळ ३८ वर्षीय तरुणाला, तुझ्यामुळे आमच्या वाहनाला अपघात झाला, असे सांगत तीन जणांनी शिविगाळ करीत मारहाण केली आणि त्याला ठार मारण्याची धमकी दिली. ही घटना गुरुवारी घडली. याप्रकरणी यावल पोलीस ठाण्यात तीन जणांविरुद्ध गुन्हा दाखल करण्यात आला.
अंजाळे, ता. यावल या गावाजवळ निलेश अशोक चौधरी (वय ३८, अंजाळे ता.यावल) हा तरुण उभा असताना त्याला दर्शन प्रमोद काळे, प्रमोद वसंत काळे आणि दर्शन राजेंद्र पाटील (तिघे रां. बारीवाडा, यावल) यांनी तुझ्यामुळे आमच्या वाहनाला अपघात झाला, असे सांगत मारहाण केली व ठार मारून टाकण्याची धमकी दिली. याप्रकरणी निलेश चौधरी यांच्या फिर्यादीवरून तीन जणांविरुद्ध गुन्हा दाखल करण्यात आला. तपास पोलीस नाईक किशोर परदेशी करीत आहे.
