जळगाव तालुक्यात कानळदा येथे घटना
जळगाव (प्रतिनिधी) :- गावात विषारी औषध सेवन केलेल्या प्रौढाचा उपचार सुरू असताना मृत्यू झाल्याची घटना दि. ११ रोजी घडली. याप्रकरणी तालुका पोलीस ठाण्यात अकस्मात मृत्यूची नोंद करण्यात आली आहे.
प्रल्हाद गबा सोनवणे (वय ७६, रा. कानळदा, ता. जळगाव) असे मयत वृद्धाचे नाव आहे. कानळदा गावात प्रल्हाद सोनवणे हे कुटुंबियांसह वास्तव्यास होते. त्यांनी विषारी औषध प्राशन केल्यामुळे त्यांना अस्वस्थ वाटू लागले. हा प्रकार त्यांच्या कुटुंबियांच्या लक्षात येताच, त्यांनी लागलीच प्रल्हाद सोनवणे यांना जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी त्यांच्यावर उपचार सुरु असतांना दि. ११ रोजी त्यांनी प्राणज्योत मालवली. याप्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ श्रीकांत बदर करीत आहेत.
