जळगावातील घाणेकर चौकातील घटना
जळगाव (प्रतिनिधी) :- अंगठी शंभराच्या नोटमध्ये गुंडाळून ठेवण्याचे सांगून दोन भामट्यांनी सुरेश पंढरीनाथ भोळे (७२, रा. माऊली नगर) यांची अंगठी लांबविली. ही घटना १ जून रोजी घाणेकर चौकात घडली. या प्रकरणी शनिपेठ पोलिस ठाण्यात गुन्हा दाखल करण्यात आला आहे.
सुरेश भोळे हे घाणेकर चौकामध्ये एका उभे होते. त्यावेळी एक जण त्यांच्याजवळ आला व आश्रमाचा पत्ता विचारला. काही वेळाने दुसरा एक इसम आला व तोही वृद्धाशी बोलू लागला. पहिल्या व्यक्तीने वृद्धाला हातात दगड ठेवण्यास सांगितले व तो तेथून मंदिराजवळ निघून गेला. दुसरा व्यक्ती वृद्धास मंदिराजवळ घेऊन गेला व तेथे मूठ उघडण्यास सांगितली असता दगडाचा रुद्राक्ष झाल. नंतर वृद्धास त्यांच्या अंगठी शंभराच्या नोटमध्ये गुंडाळून ठेवण्यास सांगितली ते पिशवीत ठेवली. वृद्धाला जाण्यास सांगितले. वृद्धाने पिशवीत पुडी पाहिली असता पुडी व अंगठीही नसल्याचे लक्षात आले. त्यांनी मागे वळून पाहिले असता दोघेही जण गायब होते. या प्रकरणी सुरेश भोळे यांनी शनिपेठ पोलिस ठाण्यात फिर्याद दिली. त्यावरून दोन अनोळखींविरुद्ध गुन्हा दाखल करण्यात आला आहे.
