जळगाव शहरात राष्ट्रीय महामार्गावर दोघे भामट्यांचे कृत्य
जळगाव (प्रतिनिधी) : शहरातील राष्ट्रीय महामार्गावर रिलायन्स पेट्रोल पंपाजवळ एका ६२ वर्षीय वृद्धाला दोघ भामट्यांनी पोलीस असल्याची बतावणी करून पुढे वाहन तपासणी सुरू आहे असे खोटे सांगत त्यांच्याकडील सोन्याचे दागिने आणि रोख रक्कम लांबवल्याची धक्कादायक घटना मंगळवार दि. ४ मार्च रोजी सकाळी ११ वाजेच्या सुमारास घडली आहे. याप्रकरणी एमआयडीसी पोलीस स्टेशनला गुन्हा दाखल करण्यात आला आहे.
रामचंद्र चटरुमल पारप्यानी (वय ६२, रा. सिंधी कॉलनी, जळगाव) यांनी फिर्याद दिली आहे. रामचंद्र पारप्यानी हे मंगळवार दि. ४ मार्च रोजी सकाळी ११ वाजेच्या सुमारास त्यांची दुचाकी क्रमांक (एमएच १९- ९६९) ने जुना मेहरूण रोड, बाबा नगर येथून जात असताना रिलायन्स पेट्रोल पंपासमोर त्यांना दोन व्यक्तींनी थांबवले.(केसीएन)आम्ही पोलिस आहोत. पुढे वाहन तपासणी चालू आहे असे सांगून दोघ भामट्यांनी त्यांच्याकडील रुमालामध्ये फिर्यादीला २० हजार रुपये किमतीच्या सोन्याच्या २ अंगठ्या, ३० हजार रुपये किमतीचे चैन व लॉकेट तसेच ३० हजार रुपये रोख असे ८० हजार रुपयांचा मुद्देमाल काढून ठेवायला सांगितला.
तसेच हा मुद्देमाल आम्ही तुमच्या ऍक्टिवा गाडीच्या तिकीट ठेवतो असे फिर्यादी रामचंद्र यांना भासवले. आणि दोघे भामट्यांनी ते शिताफीने लांबविले. फसवणूक झाल्याचे लक्षात येताच रामचंद्र पारप्यानी यांनी एमआयडीसी पोलीस स्टेशनला धाव घेत तक्रार दाखल केली. त्यांच्या तक्रारीवरून गुन्हा दाखल करण्यात आला असून ३० ते ४० वयोगटातील दोघ भामट्यांचा पोलीस शोध घेत आहेत. तपास निरीक्षक संदीप पाटील यांच्या मार्गदर्शनाखाली ग्रेड उपनिरीक्षक राजेंद्र उगले करीत आहेत.
