भुसावळ शहरात खडका रोडवर घटना
भुसावळ ( प्रतिनिधी ) – भुसावळ शहरातील खडका रोडवर राहणाऱ्या एका वृध्दाचे बंद घर फोडून घरातून सोन्याचे दागिने आणि रोकड असा एकुण ५८ हजार रूपये किंमतीचा मुद्देमाल चोरून नेल्याची घटना ८ जून रोजी सायंकाळी ७ वाजता समोर आली आहे. याप्रकरणी शनिवारी १४ जून रोजी दुपारी भुसावळ बाजारपेठ पोलीस ठाण्यत अज्ञात चोरट्यांविरोधात गुन्हा दाखल करण्यात आला आहे.
राजाराम बळीराम राणे (वय ७९ रा. खडका रोड, भुसावळ) हे कुटुंबियांसह वास्तव्याला आहेत. दिनांक ४ ते ८ जून दरम्यान त्यांचे घर बंद असतांना अज्ञात चोरट्यांनी खडकीची आसरी वाकवून आत प्रवेश करत घरातून सोन्याचे दागिने आणि रोकड असा एकुण ५८ हजार रूपये किंमतीचा मुद्देमाल चोरून नेला. हा प्रकार ८ जून रोजी सायंकाळी ७ वाजता समोर आला. यानंतर राजाराम राणे यांनी भुसावळ बाजारपेठ पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून शनिवारी १४ जून रोजी दुपारी १ वाजता भुसावळ बाजारपेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ विजय नेरकर हे करीत आहे.
