जळगाव शहरातील दादावाडी येथील घटना
जळगाव ( प्रतिनिधी ) – शहरातील दादावाडी परिसरात राहणाऱ्या एका ६८ वर्षीय वृद्ध व्यक्तीने राहत्या घरात गळफास घेवून आत्महत्या केल्याची घटना गुरुवारी दिनांक २७ फेब्रुवारी रोजी रात्री १०.३० वाजता उघडकीला आलीआहे. आत्महत्या करण्याचे कारण समोर आलेले नाही. यासंदर्भात जळगाव तालुका पोलीस ठाण्यात अकस्मात मृत्यूची नोंद करण्यात आली आहे.
अरुण रामसिंग पाटील (वय-६८, रा. दादावाडी, जळगाव) असे मयत वृद्धाचे नाव आहे. गुरुवारी दिनांक २७ फेब्रुवारी रोजी रात्री १०.३० वाजता त्यांनी राहत्या घरात गळफास घेतला. हा प्रकार नातेवाईकांच्या लक्षात आल्यानंतर त्यांनी त्यांना शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषित केले.
या संदर्भात जळगाव तालुका पोलीस ठाण्यात अकस्मात मृत्यूची नोंद करण्यात आली. प्राथमिक तपास पोलीस कॉन्स्टेबल अनिल फेगडे करीत आहे.
