पारोळा तालुक्यातील बहादरपूर येथील घटना
पारोळा प्रतिनिधी) – तालुक्यातील बहादरपूर येथे एकाने कुत्र्याला दोरीने फाशी देऊन ट्रॅक्टरच्या ट्रालीला बांधून लेंडी नाल्याच्या किनारी फेकून दिले. प्रकरणी पोलीस पाटील यांच्या फिर्यादीवरून गुन्हा दाखल करण्यात आला आहेत.
बहादरपुर गावी २१ ऑगस्टला दुपारी ४ वाजेच्या सुमारास लेंडी नालाच्या किनारी दुध डेअरीजवळ वडाच्या झाडाखाली संशयित आरोपी दिलीप भिमराव पारधी (रा.बहादरपुर) याने गावातील मोकाट फिरणारा काळ्या रंगाच्या कुत्र्यास सम्राट कंपनीच्या एका ट्रॉलीवरील लोखंडी अँगलला दोरीच्या साहाय्याने लटकुन फाशी दिली. तसेच, क्रूरतेने व निर्दयतेने वागवुन मारले होते. यानंतर कुत्र्याला ट्रॅक्टरला बांधून ओढत नेत फेकून दिले.
बहादरपुर गावच्या पोलिस पाटील ज्योती किरण चौधरी (वय ४१) यांनी दिलेल्या फिर्यादीवरून पारोळा पोलीस ठाण्यात गुन्हा दाखल करण्यात आला आहे. पुढील तपास पोलीस नाईक संदिप सातपुते हे करीत आहेत.
