मुक्ताईनगर तालुक्यातील उचंदे शिवारातील घटना
मुक्ताईनगर (प्रतिनिधी ) – जिल्ह्यात गेल्या अनेक दिवसांपासून मुसळधार पावसासह वीज कोसळण्याच्या घटना घटना घडत असून आज दुपारी तीन वाजेच्या सुमारास विजांच्या कडकडाटांसह पावसाला सुरुवात झाल्याने वीज अंगावर पडून एका तरुणाचा जागीच मृत्यू झाल्याची दुदैवी घटना उचंदे शिवारात घडली असून अन्य दोन जण जखमी झाले आहेत. त्यांच्यावर रुग्णालयात उपचार सुरु आहेत. शत्रुघ्न काशिनाथ नमायते (वय ३५) असे मयत तरुणाचे नाव आहे.
सूत्रांची दिलेली माहिती अशी कि , शत्रुघ्न नमायते हा आज दुपारी उचंदे शिवारातील माणिकराव पाटील यांच्या शेतात रोजंदारीने कामावर गेला असता त्यांच्या अंगाव वीज पडल्याने तो जागीच ठार झाला तर शेतमालक माणिकराव पाटील यांचा मुलगा गणेश पाटील व एक अन्य मजुर मुकेश पाटील हे दोघे भाजले गेले. संकेत पाटील व अमोल नमायते यांनी जखमींना तातडीने जळगाव येथे रुग्णालयात दाखल केले.
मयत शत्रुघ्नच्या पश्चात आई-वडील,भाऊ,पत्नी,एक मुलगा भावेश वय १२, एक मुलगी वेदिका वय ६ असा परीवार आहे.
