यावल शहरातील घटना
यावल (प्रतिनिधी) : शहरातील धनगर वाड्यातील वृद्धेने म्हसोबा जवळील विहिरीत उडी घेऊन आत्महत्या केली. हा प्रकार शनिवारी सकाळी निदर्शनास आला. याप्रकरणी यावल पोलिसात अकस्मात मृत्यूची नोंद करण्यात आली आहे.
अन्नपूर्णा भगवान बोरसे (वय ७७) असे मृत महिलेचे नाव आहे. वृद्ध महिला कुटूंबासह राहत होती. त्यांच्यावर मानसोपचार तज्ज्ञांकडे उपचार सुरू असल्याची माहिती मिळाली. दरम्यान शनिवारी पहाटे महिलेने म्हसोबा जवळील विहिरीत उडी घेऊन आत्महत्या केली. तातडीने विहिरीतून बाहेर काढल्यानंतर ग्रामीण रुग्णालयात आणले. वैद्यकीय अधिकारी डॉ. तुषार सोनवणे यांनी तपासणी करून मृत घोषित केले. संतोष बोरसे यांच्या खबरीवरून अकस्मात मृत्यूची नोंद करण्यात आली आहे. तपास पोलिस नाईक वसीम तडवी करीत आहेत.
