पारोळा तालुक्यातील विचखेडाजवळ घडली घटना, २१ जखमी
पारोळा (प्रतिनिधी) : तालुक्यातील बोळे येथून अंत्यविधीसाठी एक पिकअप वाहन जात होते. तालुक्यातील विचखेडा फाट्याजवळ आले असता वाहनाचा ताबा सुटल्याने समोरून येणाऱ्या ट्रक व जीपवर आदळल्याने भीषण अपघात शुक्रवारी दुपारी १२ वाजेच्या सुमारास झाला. या अपघातात तीन महिला ठार झाल्या असून २१ जण जखमी झाले आहेत. दरम्यान पारोळा पोलीस स्टेशनला गुन्हा दाखल करण्याची प्रक्रिया सुरु होती.
रेखाबाई गणेश कोळी (वय ५५), योगिता रवींद्र पाटील (वय ४०, दोन्ही रा. बोळे ता. पारोळा) यांचा जागीच तर चंदनबाई गिरासे (वय ६५) यांचा उपचारासाठी नेताना मृत्यू झाला आहे. विचखेडा गावापुढे बाय पास रस्त्यावर हा अपघात झाला.
बोळे ता. पारोळा येथून चिलाणे ता.शिंदखेडा येथे एका अंत्यसंस्कारसाठी प्रवाशी वाहतूक करणारे वाहन क्रमांक एमएच १८ एम ५५५४ हे २२ जणांना घेऊन जात होते. सकाळी १२ वाजेच्या सुमारास लोखंडी रोल असलेला एक कंटेनर क्रमांक जीजे १२ बीडब्ल्यू ७२५४ चा ताबा सुटल्याने त्याने सदर पीक अपला जोरदार धडक दिली. यात तीन महिलांचा मृत्यू झालेला आहे.
एकूण २१ जण गंभीर जखमी झाले आहे. यातील तिघांना धुळे तर इतरांना प्राथमिक उपचार करून खाजगी रुग्णालयात हलविण्यात आले. अपघाताचे वृत्त कळताच बोळे परिसरातून शेकडो नागरिकांनी अपघात स्थळी तसेच कुटीर रुग्णालय परिसरात एकच गर्दी केली होती.
अपघातातील जखमींची नावे
रणजीत सुरसिंग गिरासे (वय ६०), भरत रामभाऊ गिरासे (वय ६५), राजेशभाई कोळी (वय ४५), भीमकोर सत्तरसिंग गिरासे (वय ५०), भुराबाई मोहनसिंग गिरासे (वय ४०), भुराबाई तात्या गिरासे (वय ४०), रेखाबाई अधिकार गिरासे (वय ५०), नानाभाऊ सुभाष गिरासे (वय ५५), भटाबाई साहेबराव गिरासे (वय ४५), सुनिता गिरासे (वय ४४), भुराबाई भीमसिंग गिरासे, अजतसिंग दादाभाऊ गिरासे (वय ५०), सय्यद लियाकत (वय २१ रा. मालेगाव), हिराबाई विजयसिंह गिरासे (वय ४०), भीमकोरबाई जगत गिरासे (वय ६०), भगवानसिंग नवलसिंग गिरासे (वय ६५), रंजनसिंग भारतसिंग गिरासे (वय ५५), रुपसिंग नवलसिंग गिरासे (वय ६०), दयाबाई रूपसिंग गिरासे (वय ५५), राजेबाई साहेबराव कोळी (वय ४५).