जळगाव ( प्रतिनिधी ) – विभागीय व्हॉलीबॉल स्पर्धेसाठी विविध वयोगटातील जिल्ह्याच्या ३ संघाची निवड आज करण्यात आली
राष्ट्रवादी अर्बन सेलतर्फे शरद पवार यांचा वाढदिवस व पद्मश्री डॉ भवरलाल जैन यांच्या जयंतीनिमित्त आयोजित जिल्हा व्हॉलीबॉल निवड चाचणी व अजिंक्यपद स्पर्धेचे आयोजन नूतन मराठा महाविद्यालयाच्या क्रीडांगणावर करण्यात आले होते.
या स्पर्धेचे औपचारीक उद्घाटन नूतन मराठा कॉलेजचे प्राचार्य डॉ एल पी देशमुख, राष्ट्रवादी काँग्रेसचे विनोद देशमुख व डॉ अण्णासाहेब जी डी बेंडाळे महाविद्यालयाच्या डॉ अनिता कोल्हे, विनोद काळे यांच्या हस्ते करण्यात आले.
या निवड चाचणीतून जळगाव जिल्ह्याचा मुले व मुलींचा संघ १६,१८, २१ वयोगटातील प्रत्येकी १८ खेळाडूंचा संघ निवडण्यात आला अंतिम संघ शिबिरातून निवडण्यात येईल हे संघ नाशिक विभागीय स्पर्धेसाठी जळगाव जिल्ह्याचे प्रतिनिधित्व करणार आहेत
या निवड झालेल्या संघाला शुभेच्छा देण्यासाठी जळगाव अर्बन सेल जिल्हाध्यक्षा डॉ. सौ. अश्विनी देशमुख , मनोज वाणी, अर्बन सेल समन्वयक मुविकोराज कोल्हे , निरीक्षक मिलिंद सोनावणे, जुबेर खाटिक प्रविण महाजन , राज्य गुप्त वार्ता विभागाचे माजी पोलीस उपअधीक्षक प्रकाश कुलकर्णी, व्हॉलिबॉल संघटनेचे अध्यक्ष फारुक शेख, शिवछत्रपती पुरस्कार प्राप्त अंजली पाटील, विभागीय सचिव रवींद्र कंखरे, संचालक भाऊसाहेब पाटील , विनोद पाटील, इफतेखार शेख यांची उपस्थिती होती. पंच म्हणून इफतेखार शेख, अमजद पठाण, दर्शन आटोळे यांचे सहकार्य मिळाले.
