भुसावळ तालुक्यातील वरणगाव येथील घटना
जळगाव (प्रतिनिधी) : भुसावळ तालुक्यातील वरणगाव येथे एका तरुणीने दि. २ रोजी दुपारी १ वाजता विषारी औषध घेऊन आत्महत्या करण्याचा प्रयत्न केला होता. दरम्यान, उपचार सुरु असताना आज सकाळी १०. ३० वाजता तिचा मृत्यू झाला आहे. याप्रकरणी पोलीस स्टेशनला अकस्मात मृत्यूची नोंद करण्याचे काम सुरु होते.
ख़ुशी चिंधू चांदणे (वय १९, रा. वरणगाव ता. भुसावळ) असे मयत तरुणीचे नाव आहे. आई,वडील, काका यांच्यासह ती राहत होती. तिचे शिक्षण सुरु असल्याची माहिती नातेवाईकांनी दिली. (केसीएन)दरम्यान, शुक्रवारी दि. २ ऑगस्ट रोजी दुपारी १ वाजेच्या सुमारास खुशीने राहत्या घरी विषारी औषध घेऊन आत्महत्या करण्याचा प्रयत्न केला. कुटुंबियांच्या लक्षात येताच त्यांनी तिला खाजगी रुग्णालयात दाखल केले होते.
तेथून तिला पुढील उपचारासाठी जळगाव येथील शासकीय वैद्यकीय महाविद्यालय व रुग्णालयात नेण्यात आले. दरम्यान, वैद्यकीय अधिकाऱ्यांनी तिला तपासून मयत घोषित केले. यावेळी कुटुंबीयांनी एकच आक्रोश केला. (केसीएन)प्रसंगी पोलिसांनी घटनेची माहिती जाणून घेतली. पोलीस स्टेशनला अकस्मात मृत्यूची नोंद करण्याचे काम सुरु होते.
