सपोनि भरत चौधरी यांच्या बदलीचे कारण गुलदस्त्यात
भुसावळ (प्रतिनिधी) :- तालुक्यातील वरणगाव पोलीस ठाण्याचे सहाय्यक पोलीस निरीक्षक भरत यशवंत चौधरी यांची अचानक बदली झाली तर वरणगाव पोलीस स्टेशनचा पदभार तालुका पोलीस स्टेशनचे सपोनि जनार्दन खंडेराव यांनी स्वीकारला. अकरा महिन्याच्या कालावधित नेमकी कोणत्या कारणामुळे बदली झाली याचे कारण पोलीस प्रशासनाकडून समजू शकले नाही.
याआधी सपोनि आशिषकुमार आडसुळ यांची तब्बल साडेतीन वर्षांनी म्हणजेच दि. ३० नोव्हेंबर २०२३ रोजी बदली झाली होती. त्यानंतर जळगाव एमआयडिसी पोलीस ठाण्यातील सपोनि भरत यशवंत चौधरी यांचेकडे वरणगाव पोलीस ठाण्याचा पदभार सोपवण्यात आला. त्यांच्या बदलीचे खरे कारण अद्याप गुलदस्त्यात आहे. त्यांचे जागेवर तालुका पोलीस ठाण्याचे सहायक पोलिस निरीक्षक जनार्दन खंडेराव यांची नियुक्ती झाली आहे. नवनियुक्त एपीआय जनार्दन खंडेराव यांनी सायंकाळी पदभार घेतल्याची माहिती सुत्रांनी दिली.
