एरंडोल तालुक्यातील धारागीर येथील घटना
एरंडोल (प्रतिनिधी) : तालुक्यातील धारागिर येथे एकाने विनाकारण महिलेवर चाकूने वार करून तिला गंभीर जखमी केल्याची धक्कादायक घटना गुरुवारी सकाळी उघडकीस आली आहे. या प्रकरणी एरंडोल पोलीस स्टेशनला गुन्हा दाखल करण्यात आला आहे.
संशयित आरोपी फकिरा दशरथ भिल याने कारण नसताना जिजाबाई रमेश भील (वय ४०) या महिलेच्या चेहऱ्यावर डाव्या बाजूला व उजव्या हाताच्या पंजावर चाकूने वार करुन जखमी केल्याची घटना ४ जून रोजी सकाळी ११ वाजेच्या सुमारास घडली. ही महिला घरासमोर असताना ही घटना घडली. जखमी महिलेला एरंडोल ग्रामीण रुग्णालयात उपचारार्थ दाखल करण्यात आले आहे. त्यांचा जबाब घेतल्यानंतर एरंडोल पोलिसांनी फकिरा भील याच्याविरुद्ध गुन्हा दाखल केला आहे. पो.नि. सतीश गोराडे यांच्या मार्गदर्शनात पोलीस नाईक मुकेश अमोदकर, योगेश जाधव, संतोष चौधरी, राजेश पाटील तपास करत आहेत.
