जळगाव ( प्रतिनिधी ) – जिल्ह्यात वाळू माफियांची दादागिरी जगजाहीर आहे काल सकाळी आव्हाणे येथे गिरणा पात्रात वाळू उपशाला विरोध केल्याने वाळूमाफियांनी शेतकऱ्याला जबर मारहाण केली. मारहाणीत शेतकरी बेशुद्ध झाल्याने आरोपी नदीपात्रातच दोन ट्रॅक्टर सोडून फरार झाले
मनोहर चौधरी (रा. आव्हाणे, ता. जळगाव) असे या शेतकऱ्याचे नाव आहे. मनोहर चौधरी यांचे गिरणा नदी पात्रालगत शेत आहे. माफिया नदीपात्रातून वाळू उत्खनन केल्यानंतर वाळूने भरलेले ट्रॅक्टर, डंपर त्यांच्या शेतातून नेत होते. शेतात रस्ता तयार होत असल्याने मनोहर चौधरी यांनी वाळू माफियांना विरोध केला नंतर त्यांच्यात वाद झाला. वाळूमाफियांनी चौधरी यांना मारहाण केली. मारहाणीत चौधरी बेशुद्ध झाले. नंतर नातेवाईकांनी घटनास्थळी धाव घेतली. आव्हाणेतील ग्रामस्थ घटनास्थळी आले. त्यामुळे वाळूमाफियां गिरणा नदीपात्रात दोन ट्रॅक्टर सोडून फरार झाले . नंतर ग्रामस्थांनी तहसीलदार व पोलिसांना माहिती दिल्यावर महसूल अधिकारी नदीपात्रात आले होते
गिरणा नदी पात्रातून वाळू चोरणाऱ्या माफियांची दादागिरी वाढत आहे. प्रशासनाने वाळूमाफियांसमोर अक्षरशः हात टेकले आहेत, अशी परिस्थिती निर्माण झाली आहे. वाळू माफियांचा कायमस्वरूपी बंदोबस्त करावा, अशी मागणी गिरणा पट्ट्यातील ग्रामस्थांनी केली आहे.
