जळगाव ( प्रतिनिधी ) – शहरातील संस्कार कॉलनी परिसरातून एका उघड्या घरातून १० हजार रुपये किमतीचा मोबाईल अज्ञात चोरून नेल्याची घटना समोर आली आहे. याप्रकरणी मंगळवार २५ जुलै रोजी रामानंदनगर पोलीस ठाण्यात अज्ञात चोरट्यांवर गुन्हा दाखल करण्यात आला आहे.
शामकांत जालदार शिंदे (वय-४४) रा.साई संस्कार कॉलनी वाघ नगर जळगाव हे आपले परिवारासह राहायला आहे. वकिली व्यवसाय करून आपला उदरनिर्वाह करतात. २५ जुलै रोजी सकाळी सात ते सव्वा सात वाजेच्या सुमारास ते घरी असताना घराच्या उघड्या दरवाज्यातून अज्ञात चोरट्याने आत प्रवेश करत महागडा मोबाईल चोरून नेला. हा प्रकार समोर आल्यानंतर त्यांनी घरात शोध घेतला परंतु मोबाईल आढळून आला नाही. अखेर दुपारी ३ वाजता रामानंदनगर पोलीस स्टेशनला दिलेल्या तक्रारीनुसार अज्ञात चोरट्यांविरोधात बुधवारी २५ जुलै रोजी रामानंदनगर पोलीस स्टेशनला गुन्हा दाखल करण्यात आला आहे. या घटनेचा पुढील तपास पोलीस हेडकॉन्स्टेबल सुशील चौधरी करीत आहे.
