पाचोऱ्यात संवाद उपक्रम
पाचोरा (प्रतिनिधी) : येथील निर्मल सीड्स येथे वैशाली सूर्यवंशी यांनी पाचोरा भडगाव मतदार संघातील पत्रकारांशी संवाद साधला.तसेच १५० पत्रकारांचा विमा काढून सुरक्षेची हमीदेखील घेतली.
कार्यक्रमात अरुण पाटील, गणेश परदेशी, ऍड. अभय पाटील तसेच काही पत्रकारांनी मार्गदर्शन केले. यावेळी वैशालीताई सूर्यवंशी यांनी दिडशे पत्रकारांच्या संरक्षणासाठी अपघात विमा काढलेला असून पत्रकारांची हमी व पत्रकारांना भविष्यात घरकुल योजना व सर्व सुख सुविधा होतील अशा योजना देण्याचे त्यांनी त्यावेळी सांगितले. तसेच पत्रकारांनी आपल्या व्यथा मांडल्या. वैशालीताई सूर्यवंशी यांनी पत्रकारांचे बातमीसाठी धावपळ पाहता कामांचे कौतूक केले. पत्रकारांसाठी आश्वासन न देता प्रत्यक्षात विमा काढून त्यांना त्यांच्या सुरक्षेची हमी दिली. सूत्रसंचालन नाना वाघ यांनी केले. तर आभार गणेश परदेशी यांनी मानले.
