यावल आगार व्यवस्थापकांना निवेदन
यावल (प्रतिनिधी) : तालुक्यातील सातपुडा क्षेत्रातील दुर्गम क्षेत्रातील आदिवासी पाडा वस्तीवर राहणाऱ्या नागरीकांसाठी यावल डेपोतून बस सेवा सुरू करण्याची मागणी भाजपाचे पदाधिकारी डॉ. कुंदन फेगडे यांनी केली आहे. याबबात त्यांनी बसआगार आगार व्यवस्थापक दिलीप महाजन यांना निवेदन दिले आहे.
यावल तालुक्यातील सातपुडा पर्वताच्या पायथ्याशी असलेली व मोठया प्रमाणावर आदिवासी बांधव वास्तव्यास राहत असलेल्या अंधारमळी, तिडया मोहमांडली गाव असुन येथून न्हावी, सावदा, फैजपुर शहरांमध्ये आदिवासी समाज जीवनाश्यक वस्तुसह शेती, साहीत्य, खरेदी करतात. तसेच शैक्षणिक कार्यासाठी विद्यार्थी येणाऱ्या विद्यार्थींनी व विद्यार्थी या शिवाय आरोग्याच्या दृष्टीने तातडीचे उपचार मिळावे. या शिवाय आदिवासी बांधवांकडे लग्नकार्य असल्यास त्यांना खाजगी वाहनधारकांना जास्त पैसे मोजुन प्रवास करावा लागतो.
याशिवाय तातडीच्या उपचारासाठी येणाऱ्या महिला व जेष्ठ नागरीकांना या सर्वांना शहरात येण्यासाठी एसटी बस प्रवास हा सर्वांत सुरक्षीत असुन, गरीबांना परवडणारे एसटी बस हे एकमेव साधन आहे. आदिवासी बांधवांना बससेवा सुरू व्हावी, अशी मागणी डॉ. कुंदन फेगडे यांनी यावल एसटी आगाराचे व्यवस्थापक दिलीप महाजन यांना निवेदन देऊन केली आहे.
