जामनेर तालुक्यातील वडगाव येथील घटना
जळगाव (प्रतिनिधी) : जामनेर तालुक्यातील वडगाव येथील एका शेतकऱ्याने शुक्रवारी दि. २१ मार्च रोजी सकाळी ८ वाजेच्या सुमारास शेतातच विषारी औषध घेऊन आत्महत्या करण्याचा प्रयत्न केला होता. त्यांच्यावर उपचार सुरु असताना दुपारी साडेतीन वाजेच्या सुमारास त्यांचा मृत्यू झाला आहे. याप्रकरणी शनिपेठ पोलीस स्टेशनला प्राथमिक अकस्मात मृत्यूची नोंद घेण्याचे काम सुरु होते.
मुन्ना उखर्डू बावस्कर (वय ४५, रा. वडगाव ता. जामनेर) असे मयत शेतकऱ्याचे नाव आहे. ते आई, पत्नी, ३ मुले, १ मुलगी असा परिवार आहे. शेतीकाम करून परिवाराचा उदरनिर्वाह करीत होते.(केसीएन) दरम्यान, वडगाव शिवारात असलेल्या त्यांच्या शेतात मुन्ना बावसकर यांनी शुक्रवारी दि. २१ रोजी सकाळी ८ वाजेच्या सुमारास विषारी औषध घेऊन आत्महत्या करण्याचा प्रयत्न केला. कुटुंबीयांनी त्यांना तात्काळ जळगाव येथील शासकीय वैद्यकीय महाविद्यालय व रुग्णालयात ९.३० वाजता उपचारासाठी दाखल केले.
अतिदक्षता विभागात उपचार सुरु असताना दुपारी साडेतीन वाजता त्यांचा मृत्यू झाला. यावेळी कुटुंबीयांनी एकच आक्रोश केला. मयत मुन्ना बावस्कर यांनी कर्ज घेतलेले होते. त्या विवंचनेत ते असायचे. त्यातूनच त्यांनी आत्महत्या केली असावी अशी माहिती नातेवाईकांनी दिली. घटनेमुळे वडगाव गावात शोककळा पसरली आहे. शनिपेठ पोलीस स्टेशनला प्राथमिक अकस्मात मृत्यूची नोंद करण्याचे काम सुरु होते.
