अन जन्मजात्या बापाने गोळी झाडून तिला संपविली !
उस्मानाबाद (वृत्तसंस्था ) माहेरी आई वडिलांकडे राहण्यास असलेल्या मुलीने घरात मटण केले असता तिचे इतर कामांकडे लक्ष असल्याने हे मटण कुत्र्याने खात असल्याचे पाहून आई भडकली आणि तिच्याशी भांडू लागली थोड्यावेळात जन्मदाता बाप आल्यावर त्याला राग आवर झाल्याने त्यानेही मग खुंटीवर टांगलेल्या गावठी बंदुकीतून गोळी झाडून विवाहित मुलीची हत्या केली . हि थरारक घटना तुळजापूर तालुक्यातील कारला गावात घडली असून पोलीस स्टेशनला आईवडिलांविरुद्ध खुनाचा गुन्हा दाखल करण्यात आला आहे .
मयत मुलगी ही विवाहित असून, काजल मनोज शिंदे असं तिचे नाव आहे.मयत काजल मनोज शिंदे ही विवाहित तरुणी तिच्या आई – वडिलांकडे माहेरी राहत होती. तिचा पती देखील तिच्या सोबतच राहत होता. तिच्या वडिलांनी घरी मटण आणले होते. त्या मटणाची भाजी काजलने बनवली होती. मात्र, काजलचे लक्ष इतर कामात असल्याने मटणाची भाजी कुत्र्याने खाल्ली. कुत्रा मटण खात असल्याचे काजलच्या आईने पाहिले आणि तीची आई काजलवर रागावली. यातून दोघीचे भांडण सुरु झाले. याच वेळी काजल तिच्या आईसोबत उलट भांडू लागली असता दारूच्या नशेत असलेले काजलचे वडील गणेश झंप्या भोसले यांनी खुंटीवर टांगून ठेवलेल्या गावठी बंदुकीने काजलवर गोळी झाडली. जवळून गोळी लागल्याने काजल गंभीर जखमी होऊन रक्ताच्या थारोळ्यात पडली. काही वेळातच तिचा मृत्यू झाला. काजलची आई – वडिलांवर खुनाचा गुन्हा दाखल करण्यात आला आहे.
मनोज सुनिल शिंदे यांनी दिलेल्या पोलिसात दिलेल्या तक्रारीवरुन काजलच्या आई – वडिलांविरोधात कलम- ३०२, ५०४, ५०६, ३४ अंतर्गत नळदुर्ग पोलीस ठाणे येथे गुन्हा दाखल करण्यात आला आहे. घटनास्थळी तुळजापूर उप विभागाचे पोलीस उप अधीक्षक श्रीमती सई भोरे-पाटील यांसह नळदुर्ग पोलीस ठाण्याचे सहायक पोलीस निरीक्षक सिध्देश्वर गोरे यांनी भेट दिली असून गुन्ह्याचा अधिक तपास सहाय्यक पोलीस निरीक्षक सिध्देश्वर गोरे हे करत आहेत.
