पोलिसांचा तपास सुरु, एरंडोल तालुक्यातील नागझिरी शिवारातील घटना
एरंडोल (प्रतिनिधी) : तालुक्यातील नागझिरी शिवारात गिरणा नदीच्या हद्दीत नदीला अचानक पाणी आल्याने एक ट्रॅक्टर पाण्यात फसला. पाण्याच्या प्रवाहाने ट्रॅक्टर ट्रॉलीसह वाहून गेला. ही घटना शनिवारी दुपारी ४ ते ४:३० वाजेच्या दरम्यान घडली. हे ट्रॅक्टर नदीतील वाळू अवैधपणे चोरी करीत असल्याची प्राथमिक माहिती पोलिसांकडून मिळाली असून त्यांचा तपास सुरु आहे.
पहा, याबाबतचा थरारक व्हिडिओ…
या घटनेत वाळू भरणारे कामगार व चालकांनी तेथून पळ काढल्याने ते थोडक्यात बचावले. अन्यथा मोठी जीवितहानी होण्याची शक्यता होती. दरम्यान, वाळूमाफियांनी जिवाची पर्वा न करता भरपावसातही वाळू वाहतूक सुरूच ठेवली आहे. मात्र याकडे जिल्हा प्रशासनाचे सर्रास दुर्लक्ष होत आहे. त्यामुळे अवैध वाळू वाहतूक करणाऱ्या लोकांचे चांगलेच फावत आहे. दरम्यान पोलीस तपास करीत आहे.