धरणगाव तालुक्यातील कल्याणे होळ येथील घटना
धरणगाव (प्रतिनिधी) :- तालुक्यातील कल्याणे होळ गावातील एका शेतकऱ्याच्या खळ्यातील ट्रॅक्टरीची बॅटरीची चोरी करणाऱ्या चोरट्याला पोलीसांनी अटक केली आहे. याप्रकरणी धरणगाव पोलीस ठाण्यात गुन्हा दाखल करण्यात आला आहे.
ललीत पाटील (वय २३ रा. कल्याणे होळ ता.धरणगाव) हे शेती करून ते आपला उदरनिर्वाह करतात. रविवारी २० ऑकटोबर रोजी मध्यरात्री १ वाजेच्या सुमारास त्यांच्या खळ्यात उभे असलेल्या ट्रॅक्टरची बॅटरी चोरी करण्यासाठी एक चोरटा आला होता. त्यामुळे गावातील ग्रामस्थांनी आरडाओरड करत त्याला पकडले. त्यावेळी लहू बालू ठाकरे (वय २५ रा. हिंगोणे खुर्द ता.धरणगाव) असे नाव सांगितले. त्यावेळी ग्रामस्थांनी धरणगाव पोलीसांना बोलावून घेतले. धरणगाव पोलीस ठाण्यातील कर्मचाऱ्यांनी घटनास्थळी धाव घेत संशयित आरोपी लहू ठाकरे याला अटक केली. याप्रकरणी ललीत पाटील यांनी दिलेल्या फिर्यादीवरून सकाळी ६ वाजता धरणगाव पोलीस ठाण्यात गुन्हा दाखल करण्यात आला आहे. पुढील तपास पोलीस नाईक प्रमोद पाटील हे करीत आहे.
