मेहुणबारे पोलीस स्टेशनचीकामगिरी
चाळीसगाव (प्रतिनिधी) : तालुक्यातील मेहुणबारे पोलीस स्टेशनच्या अधिकारी व कर्मचाऱ्यांनी तपास करून एका दुचाकी चोराला अटक केली आहे. त्याच्याकडून काही दुचाकी जप्त करण्यात आल्या असून पुढील तपासकामी सदर चोरट्याला चाळीसगाव शहर पोलीस स्टेशनला जमा करण्यात आले आहे.
सहाय्यक पोलीस निरीक्षक संदीप परदेशी यांनी मेहुणबारे पोलीस स्टेशनचे मिलिंद शिंदे, गोरख चकोर, निलेश लोहार, भूषण बाविस्कर, सुदर्शन घुले व चाळीसगाव शहर पोलीस स्टेशनचे शरद पाटील व नंदू महाजन अशा पथकाने ही कारवाई केली आहे.
पथकाला माहिती मिळाली होती. त्यानुसार त्यांनी संशयित इसम प्रतापसिंग दलपतसिंग गिरासे (वय ३१) याला पारोळा तालुक्यातील सबगव्हाण येथून ताब्यात घेतले. त्याने नाशिक, धुळे, चाळीसगाव येथून दुचाकी चोरी केल्याबाबत माहिती दिली. त्याने सदरहू चोरलेल्या दुचाकी त्याच्या गावातून काढून दिल्या असून मेहुणबारे पोलीस स्टेशनला जमा करण्यात आले आहेत.
