पारोळा शहरातील अमळनेर रस्त्यावरील घटना
पारोळा (प्रतिनिधी) : शहरातील तरूण अमळनेर येथे कामानिमित्त परतत असतांना समोरून येणाऱ्या ट्रॅक्टरने धडक दिल्याने जागीच मृत्यू झाल्याची घटना अमळनेर-पारोळा रस्त्यावर जिनिंग जवळ रात्री आठ वाजेच्या सुमारास घडली. याप्रमाणे पारोळा पोलीस स्टेशनला गुन्हा दाखल करण्यात आला आहे.
गिरीधर इंदरलाल लुल्ला (सिंधी) (वय ४२, रा. जैन मंदिर समोर हत्ती गल्ली, पारोळा) हे मोटरसायकल क्रमांक (एम एच १९ बी एच ६६३८) वर पारोळा जाण्यासाठी अमळनेरहून निघाले. सुमारे ८ वाजेच्या सुमारास एका विना नंबरच्या ट्रॅक्टरने समोरून जोरदार धडक दिल्याने ते मोटरसायकलसह खाली पडले. त्यांच्या डोक्याला मार लागून ते रक्तबंबाळ झाले. कुणीतरी त्याच्या मोबाईल वरून त्यांचे नातेवाईक अमळनेर येथील व्यापारी रविकुमार वसंतकुमार माधवाणी याना कळवले.
गिरीधर लुल्ला यांना रुग्णालयात उपचारासाठी दाखल करण्यात आले असता तेथे वैद्यकीय अधिकाऱ्यांनी तपासून मयत घोषित केले. दरम्यान कुटुंबीयांना धक्का बसला असून त्यांनी एकच आक्रोश केला होता. अमळनेर पोलिस स्टेशनला रविकुमार यांनी फिर्याद दिल्यावरून अज्ञात ट्रॅक्टर चालक विरुद्ध गुन्हा दाखल करण्यात आला असून पुढील तपास पोलीस करीत आहेत.
