जळगाव तालुक्यातील वडनगरी येथील घटना
जळगाव (प्रतिनिधी) : तालुक्यातील वडनगरी येथे २९ वर्षीय तरुणीने कुठल्यातरी नैराश्याखाली येऊन राहत्या घरी विषारी पदार्थ सेवन करून आत्महत्या करण्याचा प्रयत्न केला होता. उपचार सुरू असताना तिचा मृत्यू झाला आहे. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
लक्ष्मी दीपक सोनवणे (वय २९, रा. वडनगरी ता. जळगाव) असे मयत तरुणीचे नाव आहे. गावात ती परिवारासह राहत होती. दरम्यान मंगळवार दि. ११ मार्च रोजी तिने राहत्या घरी वडनगरी येथे काहीतरी विषारी पदार्थ सेवन केले. यानंतर तिला अत्यवस्थ वाटू लागल्याने कुटुंबीयांनी उपचारासाठी शासकीय वैद्यकीय महाविद्यालय व रुग्णालय, जळगाव येथे उपचारासाठी दाखल केले होते. उपचार सुरू असताना बुधवार दि. १२ मार्च रोजी रात्री ११ वाजून ५५ मिनिटांनी लक्ष्मी सोनवणे हिची प्राणज्योत मालवली. यानंतर कुटुंबियाने शोक व्यक्त केला. घटनेबाबत जळगाव तालुका पोलीस स्टेशनला अकस्मात मृत्यूची नोंद करण्यात आली आहे. पुढील तपास उपनिरीक्षक अमोल पवार हे करीत आहेत.
