जळगाव शहरात हरिविठ्ठल नगर येथे घटना
जळगाव (प्रतिनिधी) : शहरातील हरीविठ्ठल नगर परिसरामध्ये काहीही कारण नसताना एका तरुणाला त्याचा रस्ता अडवून लाथाबुक्क्यांनी मारहाण करत ब्लेडने छातीवर व पाठीवर वार करून जखमी केल्याची घटना सोमवार १३ नोव्हेंबर रोजी सकाळी ९.३० वाजता घडली आहे. या संदर्भात दुपारी ३ वाजता रामानंदनगर पोलीस ठाण्यात एकावर गुन्हा दाखल करण्यात आला आहे.
संदीप पप्पू पाटील (वय २४, रा. हरीविठ्ठल नगर, जळगाव) हा तरुण सोमवारी १३ ऑक्टोबर रोजी सकाळी ९.३० वाजता परिसरात गेला होता. परिसरातील रहिवासी भज्या कोळी याने काहीही कारण नसताना संदीप पाटील यांच्या पाठीवर व पोटावर धारदार ब्लेडने वार करून त्याला गंभीर दुखापत केली. जखमी झालेल्या संदीप पाटील याला शासकीय वैद्यकीय महाविद्यालयात त्याच्यावर उपचार करण्यात आले. या प्रकरणी दुपारी ३ वाजता संदीप पाटील यांनी दिलेल्या फिर्यादीवरून मारहाण करणारा भज्या कोळी याच्या विरोधात गुन्हा दाखल करण्यात आला. पुढील तपास महिला पोलीस कॉन्स्टेबल उषा सोनवणे ह्या करीत आहे.
